2023.12 сарын 17. Хотын шинэхэн дарга, ХЗДХЯ-ны сайд асан Х.Нямбаатарын мэргэн шийдвэрээр хотын түгжрэлийг цогцоор нь шийдвэрлэхийн тулд автомашины улсын дугаарыг тэгш, сондгой хоёр хэсэгт хувааж ээлжлэн замын хөдөлгөөн оролцуулах төдийгүй үүнд 2800 гаруй цагдаа хяналт тавьж ажиллана. Хэрвээ зохицуулалтыг зөрчвөл торгох цаашлаад жолооны эрхийг хасах хүртэл арга хэмжээ авна гэж мэдэгдэв. Гол асуудал иргэд тэгш сондгойгоор хөдөлгөөнд оролцохыг эсэргүүцэхдээ бус Х.Нямбаатар даргын шийдвэрийг эсэргүүцэх шалтгаан нь үндэслэлтэй болоод үгүйсгэхээс аргагүй агуулгатай учраас.

Зам тээврийн яамны дэд сайд асан МАН-ын гишүүн Б.Цогтгэрэл “Автобусны мөнгө зувчуулагдсан атал тэрийг шийдэхийн оронд тэгш сондгойгоор хөдөлгөөнд оролцуулах нь буруу” гэсэн байр сууриа илэрхийлжээ. Харин цахим орчинд дүн өвлийн хүйтэнд автобус хүлээж удаан зогсох буюу нийтийн тээврийн хүрэлцээ хангалтгүй, хувийн машинаараа хөдөлгөөнд оролцох эрхийг төр хүчээр хасах нь буруу иймд тэгш сондгойгоор хөдөлгөөнд оролцож чадахгүй гэх давлагааг цахим орчинд өрнүүлээд байтал хотын дарга Х.Нямбаатар:“Бухимдсан олонд хандаж хэдэн үг хэлье.

Ямар ч шийдэлгүй байцгаая, 0 зогсолттойгоо байх нь илүү гэж үзэж байгаа нь хамгийн аймшигтай зүйл.” гэх зэргээр фейсбүүктээ бичиж, сэтгүүлч Ариунбилэгийн “Тэр цэнхэр дугаартай төрийн машинуудаа адилхан тэгш сондгойгоор замын хөдөлгөөнд оролцуулахыг шаардаж байна” гэсэн жиргээнд” Сэтгүүлч шүү ухаантай юм бол жаахан ёс зүйтэй үг хэллэг хэрэглэж баймаар.

Нөгөөтээгүүр 0 зогсолтоос гарах гарц ярих бядгүй масстай нийлээд хашхичихаас өөр шидгүй байх даа чи” гэсэн хариулт бичсэн нь олон нийтийн сүлжээнд ихээхэн бухимдал үүсгэжээ. Нэгдүгээрт тэр сэтгүүлчийг ард түмэнтэй хамсруулан доромжилсон, хоёрдугаарт түүнд хотын даргын албан тушаалд тэнцэх чадамж алга. Бүхнийг хорино хаана, хязгаарлана, торгоно шийтгэнэ гэх шоронгийн даргын хандлагаар шийдвэрлэж байгааг олон нийт хурцаар шүүмжилж байна.

Д.ЭНХБАТ