Дэлхийг дэнсэлгэж буй өвчний талаар сүүлийн хоёр сар сонссоор бүр дөжирч эхэлж байна. “КОВИД-19” гэдэг чинь коронавирус гэдэг үгийн товчлол, D нь өвчлөл гэсэн үг гэж баргийн хүүхэд ч мэдэхээр болов. Ямартай ч монголоор “титэмт” гэсэн гоёмсог нэртэй сүрхий вирус юм гээч гэж цэцэрхэх ч нөхөд олширлоо. Аливаад шинэ зүйлд дасна гэдэг энэ биз. Харин учрыг нь олж, хужрыг нь тунгаасан маниас өгсүүлээд ховорхон доо. Ямартай ч их аюултай тархалттай өвчин юм, агаар дуслын замаар тусдаг хэцүүхэн тахал юм гэсэн бүдүүн баараг төсөөлөлтэй болоод авлаа. Санамсаргүй цахим ухаж яваад харин мэргэжлийн нэгэн судлаачийн тулхтай бичвэрүүдээс мөнөөх хий үзэгдэл шахуу коронавирус гээч аюулынхаа тухай барим тавим баримт сэлттэй нүүр учирлаа. Тэрээр

“ДЭМБ “пандеми” зарлах тухай америк эрдэмтдийн саналд “Цаг нь арай болоогүй” гэсэн хариу өгсөн нь ойлгомжтой боллоо. Тэр “цаг” гэдэг нь чухам юугаар тодорхойлогдож байгааг мань мэт нь яаж мэдэх вэ дээ. Пандеми гэдэг нь “хүн төрөлхтөн” гэсэн утгатай грек үг юм. Пандемын устгал гэдэг нь голомтыг устгахыг хэлнэ. Урьд нь өвчний голомтыг суурингаар нь, хотоор нь устгалд оруулдаг байж. Энэ удаа Америкийн баримталж буй планаар бол вирус тээгчдийг устгалд оруулах л санаа юм уу даа. 212 мянган вирус тээгчид байна гээд яриад байгаа. Хятад 200 супер тээгчдийг олж устгасан гэсэн. Элисабет гэж эрдэмтний Хятад улсад ажилласны дараах маш том материалыг тавихгүй л байгаа.

Түүнд хятадууд маш их тусалсан байна лээ. Хятадын тусгай алба туслаагүй бол Солонгос номлогч Уханьд ирээд, элсүүлээд тэр нь вирус тараасан нь илрэхгүй байсан. Америкийн удирдлага эрдэмтдийхээ үгийг сонслоо, дэд ерөнхийлөгч нь асуудлыг гартаа авлаа. АНУ онц байдал зарлах бололтой, гаднын нэг ч иргэн оруулахгүй тусгаарлагдана гэсэн үг, Коронагийн энэ удаагийн тип ямар аюултайг америк маягаараа л ойлгоё гэж хэлсэнтэй адил боллоо. Манай төр ч бас монгол маягаараа ойлгоо л байгаа л даа зайлуул. Бараг бүтэн улирал дэлхий 400 шилдэг эрдэмтдийхээ нойрыг хугаслан учры нь олох гэж тэмцлээ, юутай үлдэв” гэж тэрээр асуугаад доорх хариултыг бичжээ.

Ковидын гол хоол нь эсрэг биетийн цуглуулсан уураг юм, дархлаатай нийлж байгаад эзнээ чадхийлгэнэ гэсэн үг

Мэдэхэд илүүдэхгүй санагдсан учраас түүнээс эшлэхэд буруудахгүй байх. “Ковид-19” хэзээ дуусах нь тодорхойгүй, зургаагаас долоон жил гэсэн баримжаатай үлдэв. Тэр үргэлжлэх хугацааг би баримжаатай байх гэж бодож байна. Эм тариа төгс байдлаар гаргаж чадсангүй, шинжлэх ухаан сөхөрсөндөө биш, эмчлэх боломжгүйд байна. Автоиммуны өвчнөөр хуримтлагдсан S-уургаар хоололдог нь нотлогдлоо, гэтэл автоиммуны 80 өвчинд орчин цагийн эмнэл зүй бууж өгөөд эмчилгээгүй гээд албан ёсоор зарлаад удаж байгаа. Автоиммун гэдгийг хамгийн энгийнээр яаж ойлгох вэ. Автомашин-өөрөө явагч. Автомассаж-өөртөө массаж хийх. Автоиммуны-дархлаа нь өөрийхөө биеийг сүйрүүлэх. Жишээ нь амин дэм байна. Хэмжээ нормгүй их хэрэглэвэл эсрэг биет болон хувирна. Угаас витамины өвчин гэж эмчилгээгүй өвчин байдаг. Биед эхлээд эсрэг биет (эсрэгцэл) үүсдэг. Яагаад гэдгийг шинжлэх тайлж чадаагүй. Жишээ нь бореллиа. Дараа нь тэр эсрэг биет бүх биеийн уургийг шимэн сорж мөлжиж эхэлдэг. Дархлааны эд эсүүд зүгээр суухгүй тэмцдэг. Гэтэл тэр эсрэг биет системүүдийг сүйтгэж эхэлнэ, хоол боловсруулах систем, мэдрэлийн систем, дааврын эргэх систем гэх мэт. Дархлаа тэр үед бүх системтэй тэмцэж, биетэй нь цуг сүйрүүлж биений хамаг тамир тэнхээг нь барагдуулдаг. Ковидын гол хоол нь эсрэг биетийн цуглуулсан уураг юм, дархлаатай нийлж байгаад чад хийлгэнэ гэсэн үг. Товчдоо иймэрхүү л юм. Тийм учраас antikörper гээд байгаа юм. Германы эрдэмтэд л сайн судалж байгаа” гэжээ.

Пандеми гэдэг халдварын голомт болсон вирус тээгчдийг устгалд оруулна гэсэн үг

Тэгээд цааш нь “Вакцин алга, дөрвөн төрлийн вакцин тарьсан ч 18 сараас нааш гарахгүй. Гараад ч ямар үр дүнтэй байхыг хэн ч зүрхэлж хэлж чадахгүй байна, үнэн л энэ. Үүнийг уг нь ЭМЯ л ярьж ард түмэнтэйгээ зөвлөж суух ёстой. Хамаг мэдээллээ хаачихаад Эрүүл мэндийн сайд л мэдээлэх ёстой. Мутаци нь вирустээ биш, түүн дээр ургаж байгаа өргөсөнд явагдаад байна. Тэр өргөс нь улс орнуудад адилгүй байна. Тоог нь тогтоох арга олдохгүй байна. 150 орчим мутаци гэх нь зөвхөн мэдээлэл, бодит байдал дээрээ тоймгүй олон. Эргэн буцах гинжин урвалд орчихлоо. Сарьсан багваахайнаас хүнд, хүнээс сарьсан багваахайнд, хүнээс хүнд, бүх бохироос хүнд, хүнээс нохойд хүртэл шүү. Дамжуулагч нь юу эсвэл хэн болохыг нотолж чадахгүй байна. Өт, зэрлэг цэцэг, шувуу, эсвэл хүн үү? Вирус тээгч, “супер-тээгч” халдаагч нарын тоог баримжаалаад авсан ч барьж авч чадахгүй байна, өөрсдөө ирнэ гэдэг бол худлаа, учир нь тэдний ихэнхи нь тангаргаар тараагчид! Христийн гаж урсгал анхны тараагчид байж гэдгийг дэлхийн 80 орон одоогоор хүлээн зөвшөөрөад байна, энэ хангалттай тоо. Манайх хүлээн зөвшөөрөөгүй, харин ч байж л байг гэсэн мэдээг хахуульд сэжиглэгдсэн албаны нэг дарганцар мэдэгдсэн, “Ерөнхий сайд аа, хуц” гээд байгаа ч юм шиг! Манай ажил ингэж л явдаг! ЭСЯ-ууд мэдээж харж л байгаа! Бодит байдал дэар пандеми эхэлчихсээн. Голомтыг устгалд оруулна гэсэн үг. Дээр үеийнх шиг хот суурингаар биш халдаагчдыг устгалд оруулна гэсэн үг. Жишээ нь, Орос Улс өвчний халдвартай хоёр хятадаа яасан бэ? Хойд Солонгос байна. Урд хөрш хууль гаргаад цаазалж байгаа, хэдэн мянгаар нь. Өмнөд Солонгос бас хууль гаргалаа. Одоо яах ёстой вэ?

Хүн бүр өарийгөө л хамгаал. Ийм л зарчим руу АНУ орлоо. Өөрсдийгөө тестэл, сэжигтэй гэвэл эмнэлэг дээр гүйгээд ир, зөрчвөл пандеми. Ийм л юм. Их гүрнүүд ингэж байхад манай ЭМЯ эцэж сульдаж, ядарч үхтлээ ажил хийгээд тэмцээд байна гэдэг бэрх. АНУ-ын төрд бол тэмцэх юм алга. Манай ЭМЯ юутай тэмцээд байгаа юм бэ. Болзошгүй эрсдэлтэй юу. Монголчуудыг ген нь, антропологийн үндэс нь, хүнс нь чийрэг бие хаа нь өнөөдрийг хүртэл авч ирлээ, цаашдаа ч аваад л гарна” гэлээ.

Коронавирус дэлхийн хүн амын 70 хувьд халдах магадлалтайг мэргэжилтнүүд анхааруулж байна

Шинэ коронавирусийн халдвараар нас барсан хүний ​​тоо дэлхий даяар 3000-д хүрч, халдварын тохиолдол 90 мянгад дөхсөн. Харамсалтай нь өнөөгийн энэ бодит тоо ирэх саруудад тохиолдож болох тохиолдлуудтай харьцуулахад юу ч биш гэлцэх. “CBS News” сувгийнхан Харвардын их сургуулийн багш, вирусийн шилдэг мэргэжилтнүүдийн нэг Марк Липситчтэй ярилцахад тэрбээр дэлхийн хүн амын 40-70 хувь нь халдвар авах боломжтой болохыг онцолсон байна. Мөн "COVID-19" хэмээн нэрлэгдээд байгаа энэхүү өвчний халдвар авсан хүмүүсийн нэг хувь нь амиа алдах аж. Сэтгүүлч түүнээс “Таны тооцоогоор дэлхийн насанд хүрсэн хүн амын 40-70 хувь нь халдвар авах боломжтой гэв үү” гэхэд Марк Липситч “Энэ бол ердөө тооцоолол. Бид удахгүй хэр бодитой вэ гэдгийг мэдэх болно. Би халдварт өвчний тархалтыг хянах, урьдчилан таамаглахад ашигладаг математик загваруудын хослол дээр үндэслэн ийм үр дүнд хүрсэн. 40-70 хувь гэдэг нь ердөө халдвар авах боломжтой гэсэн хүмүүсийн тоо юм. Халдвар авсан зарим хүнээс ямар ч шинж тэмдэг илэрдэггүй болохыг бид мэднэ. Ийм хүмүүс хэд байгааг бид мэдэхгүй. Тэгэхээр нийт хүн амын тал хувь нь тийм байх боломжтой гэж тооцоолоход гэмгүй. Дараа нь судалгаанаас харахад нийт халдвар авсан хүмүүсийн 0.5-1 хувь нь амиа алдах эрсдэлтэй гэдэг нь илэрхий байна. Тиймээс хамгийн муугаар бодоход олон арван сая хүн амиа алдах аюулд бүрэн ороод байгаа гэсэн үг. Насны ангиллаар нь халдвар авах болон амиа алдах магадлалыг тооцоондоо оруулсан. Тухайн хүн хэр өндөр настай байна, төдий чинээ халдвар авч нас барах магадлал нь нэмэгдэнэ. Хүн бүр ирээдүйд юу болох тухай тодорхой хэмжээний төсөөлөлтэй болсон байгаа. Гэхдээ одоогийн байдлаар яг хаана, хэдэн хүн халдвар авсан болохыг хэн ч мэдэхгүй шүү дээ. Тийм учраас яг таг хариулт өгөх хүн бас байхгүй л байх. Иймээс юуны түрүүнд олон нийтийн цугларалтыг хууль ёсны эрх мэдэлтэй хүмүүс хориглох ёстой. Үүнд сүмийн цугларалт, тоглолт, үдэшлэг багтана. Засгийн газраас хориогүй тохиолдолд ч хүмүүс өөрсдийн ухамсраар ийм арга хэмжээ авах учиртай. Мөн хувийн бизнес эрхлэгчид хүмүүст гэрээсээ гаралгүй үйлчилгээ авах боломжийг нээх нь чухал. Хувь хүмүүс халдвар авсан тохиолдолд бусдад өвчин тараахгүйн үүднээс өөрсдийгөө гэртээ тусгаарлахад бэлдэх хэрэгтэй. Энэ өвчин SARS-аас 10, гахайн томуугаас тав дахин илүү цар хүрээг хамраад байна. Цаашид ч халдвар авсан хүмүүсийн тоо буурах янз алга. Мөн барууны эрх баригчид халдварын тархалтыг зогсоох тал дээр хойрго хандаж байгааг сануулах нь зүйтэй” гэсэн байна. Коронавирус дээрх эрдэмтний хэлсэнчлэн үнэхээр өргөн цар хүрээг хамраад буй. “Коронавирус хүн төрөлхтнийг мөхөөх үү” гэсэн асуултад тэрээр “Тэгж чадахгүй. XX зуунд хүн төрөлхтөн хоёр, гурван ч удаа коронавирусээс аймшигтай халдварт өвчнийг даван туулсан. Энэ удаад бид зүгээр л нас барах хүмүүсийн тоог бууруулахын тулд дор бүрнээ хичээх ёстой юм. Хамгийн гол нь ямар ч халдварт өвчин хүн төрөлхтнийг мөхөөх хэмжээнд хүрээгүйг санах хэрэгтэй” гэж өөдрөг хариу өгсөн байна.

Зүүсэн маскаа хог руу хаяж болохгүй, маскан дээр тогтсон вирус хогны уургийн нэгдэлтэй мутацид орон үржих аюултай

Бид өнөөдөр зүүсэн маскаа хаа сайгүй хаяцгааж байгаа. Агаарт хэдийгээр вирус байхгүй ч зүүсэн маскан дээр вирус үлддэг аж. Маскийг хоёр цаг тутамд бээлийтэй гараар чихнээсээ эвтэйхан салгаж аваад тусгай зориулалтын хувинд хийгээд тагий нь хагас хаах хэрэгтэй гэнэ. Дүүрээд ирэхээр нь тагийг бүтэн дарж, нэг л дарагдсан бол таг нь бахиар хөшөөд ч онгойхгүй тийм хуванцар хувинд хийж шатааж устгах ёстой юм байна. Маскан дээр тогтож хуримтлагдсан вирус 72 цагаас цааш амьдрах чадвартай, хүрэлцэхүйгээр дамжин тархах эрсдэлтэйг анхаарч байх ёстой гэнэ. Зүүсэн маскийг хог руу хийж болохгүй бөгөөд хогонд байгаа уургийн нэгдэлтэй мутацид орон үржих аюултай юм байна.

Эрүүл мэндийн байгууллагын мэргэжилтэн эрхэм “Манай ЭМЯ хандив цуглуулахын оронд ийм хувинцараар ард иргэдээ хангах үүрэгтэй. Устгалд оруулдаг зүү, тариурын савыг ашиглачихад болно. Нэг удаагийх юм чинь урдаас хэдэн саяар нь үнэгүй шахуу авна. Хуванцраар өөрсдөө хийчихсэн ч монголчууд чадна. Хандив цуглуулахаас л лав амархан, маск хийхээс бүүр ч амархан. Сэтгэл л байхад бол оо. Ерөнхий сайд У.Хүрэлсүх ард түмний төсвөөс маш их хөрөнгө гаргаж өгснийг ард түмэн нүдээрээ харсан юм чинь нэг удаагийн ийм шатаах хувингуудыг тараах хэрэгтэй” гэсэн зөвлөгөө өгч байсан.