Энэ онд Улаанбаатар хот нийт 52.7 километр шинэ дугуйн замтай болохоор төлөвлөсөн ажил эхэлжээ. Энэ хүрээнд Налайх-Улаанбаатар, Яармаг, Зайсан, Маршалын гүүр зэрэг холбоос замуудын дунд нийт 52 километр дугуйн замыг шинээр барьж байгуулах юм.

Тухайлбал, Маршалын гүүрээс Улиастайн гүүр хүртэл бүрэн гэрэлтүүлэгтэй хоёр талдаа автомашины зогсоолтой, дундаа амралтын зогсоолтой 7.2 километр үргэлжлэх дугуйн замын ажил хийгдэж буй. Энэ ажил зургаадугаар сарын 10-н гэхэд бүрэн ашиглалтад орж, хүлээлгэж өгөх юм байна. Бусад замуудыг 8, 9 дүгээр сардаа багтаж бүрэн ашиглалтад оруулна.

Иргэдийн зүгээс хүүхэд багачууд, ахмадууд алхах, гүйх болоод тасралгүй үргэлжлэх дугуйн замыг маршрут хэрэгтэй байна гэсэн хүсэлт олноор ирдэг. Тус хүсэлтийн дагуу Таван шар-Саппоро- 10 дугаар хороолол, Саппоро-Баянбүрд, Гэсэр сүм-Анкарагийн гудамж, МУБИС-Зүүн 4 зам, Офицеруудын ордон, Улиастай гүүр-Гачууртын уулзвар, Налайх-Баянзүрхийн гүүр гэсэн маршрутаар дугуйн зам тавигдана.

Дараа нь Яармагийн гүүрийн хойгуур дамжаад, Маршалын гүүр, Зайсангийн гүүр, Скай ресорд, Баянзүрхийн товчоо, Налайхын зам гэсэн маршрутаар зам тавигдах юм.

Н.Баярмаа