Залуу гэр бүлд зориулсан орон сууцны хорооллын шав тавилаа

Aдмин / Нийслэл

Нийслэлийн орон сууц, дэд бүтцийг хөгжүүлэх дэд хөтөлбөрт тусгаснаар Улаанбаатар хотыг тойрсон таван байршилд шинэ суурьшлын бүсийг байгуулна. Энэ хүрээнд Хан-Уул дүүргийн 10 дугаар хороо Морингийн даваа орчмын шинэ суурьшлын бүсэд 10 мянган өрхийн орон сууц барих ажлын шав тавих ёслол өнөөдөр боллоо. Нээлтийн үйл ажиллагаанд Хөдөлмөр, нийгмийн хамгааллын сайд А.Ариунзаяа, Барилга, хот байгуулалтын дэд сайд Э.Золбоо, Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан болон холбогдох албаныхан оролцлоо.

Нээлтийн эхэнд нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан хэлэхдээ “Улаанбаатар хотын хэт төвлөрлийг сааруулах, дагуул хотуудыг хөгжүүлэх хүрээнд захын бүсүүдэд орон сууцжуулах хөтөлбөрийг хэрэгжүүлж байна. Нийслэлийн төсөвт “Хөгжлийн үүд” хөтөлбөрийг баталсан. Үүний эхлэл болж өнөөдөр “Морингийн давааны шинэ суурьшлын бүс”-ийг байгуулж, 10 мянган өрхийг орон сууцжуулах хөтөлбөрийг эхлүүлж байна. Ингэснээр Улаанбаатар хот нэг төвтэй бус олон төвтэй хот болж хөгжихийн эхлэл юм. Монгол Улсыг урт хугацаанд хөгжүүлэх “Алсын хараа-2050” хөтөлбөрт дагуул хотуудын бодлогыг тусгаж өгсөн. Тиймээс олон дэд төв, дагуул хоттой, дэд бүтэцтэй, асуудлаа бүрэн шийдвэрлэсэн ийм хотыг бий болгохын төлөө зорьж ажиллаж байна” гэсэн юм.

“Нийслэлийн орон сууцны корпорац” ХК-ийн захирал Б.Сүхбаатар “Бид дэд бүтцийн хөрөнгө оруулалтыг 100 хувь шийдвэрлэсэн. Эхний ээлжийн барилгажилтын ажилд 50 тэрбум төгрөг тусгасан. Энэ төслийг хөрөнгө оруулалтын асуудлыг шийдвэрлэсэн учраас өнөөдөр бүтээн байгуулалтын ажлыг эхлэж байна. “Хөгжлийн үүд” төслийн хүрээнд залуу гэр бүл, залуучуудад зориулсан орон сууцны энэ хөтөлбөрийг хэрэгжүүлж байна. Мөн ажлын байрыг нэмэгдүүлэхэд анхаарч байна” хэмээн онцолж байлаа.

“Хөгжлийн үүд” төслийн хүрээнд хийгдэж буй Морингийн давааны шинэ суурьшлын бүсийн ерөнхий төлөвлөгөөгөөр 129 га талбайд 10 мянган өрхийн орон сууц, 4260 хүүхдийн багтаамжтай сургууль, 2130 хүүхдийн цэцэрлэг, 450 ортой эмнэлэг, 8000 ажлын байрыг шинээр бий болгохоор төлөвлөжээ. Эхний ээлжинд 43.3 га газарт 235 айлын таунхаус 1700 өрхийн залуусын хороолол, 640 хүүхдийн суудалтай хоёр сургууль, хоёр өрхийн эмнэлэг, 240 хүүхдийн цэцэрлэгийн бүтээн байгуулалтын ажлыг өнөөдрөөс эхлүүллээ. Бүтээн байгуулалтын ажил дэд бүтэц, шугам хоолойн ажлуудыг энэ онд багтаан хийхээр төлөвлөсөн байна.

Дашрамд дурьдахад, дараагийн суурьшлын бүсийг Налайх, Хонхор орчимд байгуулж, орон сууцны хөтөлбөрийг хэрэгжүүлэхээр төлөвлөн зураг төслийн ажлыг хийж байна.


Сэтгэгдэл

Иргэн [66.181.182.233] 2020-08-01 23:28:58

Туйлширч хүнд их юм өгөөд хэрэггүй. Ядуус сэтгэцийн өвчтэй тул тэдэнд нэг удаа царай өгөхөд тэд давардаг улс шүү.

Зочин [103.10.23.81] 2020-08-01 14:53:16

Орон цууц бариж өайна гэж нэг хэсэг хүмүүс дундаас нь мөнгө жавшдаг чанаргүй орон цууц баридаг энэ луйвараан болож халуун дулааны шугамаан гэр хороололруу татах ажилыг улс хийж иргэддээн зээл өгч өөрийн газартаан өөрөөн барилгаан барих болцоо нь олгох хэрэгтэй шүү дээ

Зочин [64.119.18.221] 2020-08-01 12:01:39

өмнөх үлгэрээс ямар ялгаа байгаа бол. дэд сайд Ганбаярын ургах наран гэдэг үлгэр юу боллоо. яГанбаяр гэгч сэтгүүлчээс сайд болж баяжсан . баахан иргэд бохир нь дүүрсэн халаалтгүй орон сууц гэхэд хэцүү юмтай үлдсэн санагдах юм

Butehgui MGL [103.26.193.231] 2020-08-01 09:13:46

Bugs, dolooson, tsunh barigch bandi nariin darga-ruugaa harj bgaag ta nar har daa!!! Buh ajliig n uuriin hologdoltoi kompaniudaaraa hiilgeh uchir, udahgui tsum shaana geed bugdengiinh n ineed hureestei!


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.