“Хүндлэлд хүйс хамааралгүй” үндэсний аян эхэллээ
Жендэрийн үндэсний хорооноос жендэрийн хэвшмэл ойлголт, хандлагыг өөрчлөх зорилготой “Хүндлэлд хүйс хамааралгүй” үндэсний аяныг аравдугаар сарын 8-наас эхлүүлээд байна.
Уг шалгалт ирэх оны нэгдүгээр сарыг дуустал зохион байгуулж байна. Азийн Хөгжлийн Банктай хамтран ядуурлыг бууруулах Японы сангийн дэмжлэгтэйгээр хэрэгжүүлж буй “Иргэний нийгмийн оролцоотойгоор жендэрийн тэгш байдлыг хангах нь” техникийн туслалцааны хүрээнд эхлүүлсэн уг аянаар эрэгтэй, эмэгтэй хүний гэр бүл, нийгэмд гүйцэтгэх үүрэг, оролцооны талаарх олон нийтийн дундах хэвшмэл ойлголтыг өөрчлөхөд чиглэсэн жендэрийн боловсролыг бүх нийтэд олгох сургалт, сурталчилгаа, нөлөөллийн ажлыг өргөн хүрээнд зохион байгуулахаар зорьж байгаа аж.
Жендэрийн хэвшмэл ойлголт нь эрэгтэй, эмэгтэй хүнд ялгаатай хандах үндэслэл болж ялгаравлан гадуурхалт, тэгш бус байдлыг "тэжээж" байдаг.
Гэр бүл, нийгэм, улс төр, соёлын гээд бүхий л харилцаанд таны ямар хүйстэй байх нь огтхон ч хамаарахгүй байх нөхцөлийг жендэрийн эрх тэгш байдал гэнэ.
Гэр бүлтэй эмэгтэйн хөлсгүй хөдөлмөрт зарцуулсан цаг эрэгтэйчүүдийнхээс даруй 2-3 дахин их байна.
Ар гэрийн хөлсгүй хөдөлмөрийн тэгш, шударга бус хуваарилалт, түүнийг өөгшүүлдэг жендэрийн хэвшмэл ойлголтууд нь эмэгтэйчүүдийн хөдөлмөрийн зах зээл, нийгмийн идэвх, оролцоонд сөргөөр нөлөөлж байдаг.
Сэтгэгдэл