Сургууль, цэцэрлэгийн эмч нар коронавирусийн шинжилгээ авах сургалтад хамрагдаж байна

Aдмин / Нийслэл

УОК-ын 41 дүгээр тушаал болон Боловсрол, шинжлэх ухааны сайд, Эрүүл мэндийн сайдын хамтарсан тушаалын дагуу НОК-ын Шуурхай штаб, Нийслэлийн Эрүүл мэндийн газар, Нийслэлийн Боловсролын газраас ХӨСҮТ, СЭМҮТ-тэй хамтран ерөнхий боловсролын сургууль, цэцэрлэгийн багш, эмч нарт зориулсан цахим болон танхимын сургалт зохион байгуулж байна. Энэ хүрээнд “Сургууль, цэцэрлэгийн байгууллагад коронавируст халдварын сэжигтэй тохиолдлыг илрүүлэх тандалт хийх, мэдээлэх, хариу арга хэмжээ”, “Сургууль, цэцэрлэгийн байгууллагад баримтлах халдварын сэргийлэлт, хяналт”, “Коронавируст халдварын үеийн хүүхдийн сэтгэл зүйд дэмжлэг үзүүлэх нь” зэрэг сэдвээр сургууль, цэцэрлэгийн 1000 гаруй багшид цахим сургалт хийсэн юм.

Тэгвэл Дүүргийн онцгой комисс болон Эрүүл мэндийн төвөөс сургууль, цэцэрлэгийн эмч нарт Коронавируст халдвар илрүүлэх шинжилгээний сорьц авах арга, бүртгэх, мэдээлэх танхимын дадлага сургалтыг өчигдрөөс зохион байгуулж эхэллээ. Сургалтаар Баянгол дүүргийн Эрүүл мэндийн төвд 63, Сонгинохайрхан дүүрэгт 82, Багануур дүүргийн Эрүүл мэндийн төвд 14 эмч хамрагдав. Тэд халдварын сэжигтэй тохиолдлыг илрүүлэх тандалт, хариу арга хэмжээ болон шинжилгээний сорьц авах, бүртгэх, мэдээлэх аргад суралцлаа. Өнөөдөр Баянзүрх, Багахангай, Чингэлтэй, Сүхбаатар, Хан-Уул дүүрэгт, маргааш Налайх дүүрэгт энэхүү сургалт зохион байгуулагдах юм.


Сэтгэгдэл

Зочин [202.126.90.55] 2021-08-27 16:01:09

Ингээд сургууль багш сурагчид эцэг эхчүүдийн дунд том яс хаялаа даа хичээл эхлээд л Хэрүүл тасрахаа болино танайхаас халдвар авсан аваагүй гээд л арай болоогүй байхад эхлүүлж байна даа ядахдаа бага ангиа хойшлуулж болох л байсан за вакцинтайнууд нь учиртай биз

Зочин [66.181.184.101] 2021-08-29 19:21:41

мөнгөө хамсаатан садангуудда түгээн өгөх их үйлсэд хичээнгүйлэн зүтгээд бусад бүх нөхцөлөө тоохгүй хяссан байгаа БСШУЯ чинь.

Зочин [64.119.27.142] 2021-08-27 11:56:15

Бага ангийн хүүхдүүдийг сургуульд явуулах нь үнэхээр төр засгийн харгис бодлого байна. Ёстой муу байна даа.

Зочин [103.80.210.183] 2021-08-27 11:08:34

хамар ухахад хэн ч сурах шаардлага алга. зураг хараад нохой ч сурчихна.


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.