Өчигдрийн түгжрэл тэг зогсолт бол өчигдрийнх биш. Маргааш ч үргэлжилнэ. 9 дүгээр сарын 1- нд “тэг” зогсолт нь “таг” зогсолт болно. Улаан гэрэл, ухас ухас хийсэн ууртай жолооч нар, урд хойноосоо сигналын дуугаар хэрэлдсэн бухимдал дүүрэн их хотын түгжрэл яг л улаан утас орооцолдуулаад хэдэн талаас нь татчихсан юм шиг үзэгдэнэ. Түгжрэлээс бол хашаанаасаа ч гарч чадахгүй 30 минут зогсдог Улаанбаатарын домогт түгжрэл арай л эрт эхэлчихэв үү дээ. Бензины үнэ тэнгэрт хадаж бэлтэй нэг нь ч банкаа дүүргэж бардаггүй болчихоод байхад бид хөгжиж байна гэж жишим ч үгүй попордог, бэлэг бэлгийн дээд бензины купон боллоо гэж маазардаг Эдийн засаг нь хямарсан энэ улсад үнэндээ гэрэл гэгээ байна уу. Түгжрэлд оочерлосоор очих газраа битгий хэл хаанаас гарснаа мартах нь энүүхэнд. Хэцүү байна, арга хэмжээ аваач гэхээр айл бүрийг машинтай болгосон ардчилсан нам буруутай гэх. Шатахууны үнэ огцом нэмэгдэж дизель түлш , АИ-95 бензин нь 4000 гарсан энэ үед замын хөдөлгөөнд оролцож буй жолоочид тэг зогсолтод шатахуунаа шатаасаар. Бидний Улаанбаатар утгаараа "УЛААН" баатар боллоо. Нэгэн түүхийг сөхөхөд, 2012 онд Улаанбаатар хотод замын түгжрэл гаарч эхлэхэд нийслэлийн сонгуульд АН ялж, замын түгжрэлийг бууруулах цогц төлөвлөгөөг боловсруулсан хотын төвд түгжрэл үүсгээд байгаа 33 уулзварыг шинэчилсэн нь үр дүнгээ өгч байв. Харин 2016 онд МАН хотод ялалт байгуулсан ч автозамын түгжрэлийг бууруулах нэг ч ажлыг шинээр хийгээгүй. Хотод машин ихдсэндээ биш хотын замд менежмент л хийж чадахгүй байгаад гол учир нь бий. МАН үнэхээр мангартуулж байна даа ард түмнийг! Улаанбаатар хотоо улаанбүс болгож чадлаа МАН.