Сүүлийн үед олон нийтийн сүлжээ, тв-ээр завхайрал, алиа хошин марзагнал нэлээд газар авч ийм агуулгатай нэвтрүүлэг контентууд газарч авсан. Энэ бол Монгол үндэстний оюун санааны дархлаанд хортой зүйл. Үүнийг зарим сэхээтнүүд ийн бичжээ. "УНАЛТ" -Завхай зайдан дуу, эрээ цээргүй хошин марзан яриа олширлоо. Нийтийн сүлжээ, Телевиз радиогоор ихдээд эхэлсэн нь ер сайны ёр биш дээ. Монгол түмэн эрт дээр үеэс ичиж зовдог, болох болохгүй яриаг хаана, хэнд хэлэх, хэлэх хэлэхгүйг маш нарийн мэддэг ёс суртахуун, ёс зүйн хил хязгаартай явжээ.

Өнөө сайхан ардчилал, ил тод байдал, үзэл бодлоо чөлөөтэй илэрхийлэх маань яв явсаар "хүмүүжилгүй" бодлогогүй боловсролгүй нэг хэсгээс болж эрүүл нийгмийг шахан шахсаар бүрэн эзлэв ээ?

Олон нийтийн мэдээллийн хэрэгслээр шивэрч байгаа "бохир бороог" одоо анзаарч бодохгүй бол Үндэстний уналт "доройтол" болох вий? Ёс зүй ёс суртахууны хэм хэмжээ Нийгмийн оюун санааны цэвэр тунгалаг эд эс мөн биз дээ. Ер нь завхай зайдан яриа дуу хуур хошигнол улс үндэстэн бүрд байдаг. Байсаар ч байна. Харин түүнийг хаана яаж ярьж хэлэхээ мэддэг байвал ёс зүйтэй ард түмэн?. Жишээ нь Олон нийтийн сүлжээ бол жорлон жовхой биш эрүүл саруул орчин биш үү...?
Больчихсон уу? Ёс зүй нэхэхээр нэн хоцрогдсон болох уу?

Үүнийг алив Үндэстэнд хэн хариуцдаг юм бол? Яах ёстой вэ? Ярьж л байг уу? Салтаа саам яриад нийтээрээ маазарч жаргах уу? дуулж хуурдсаар суух уу? Жаахан гэрэл гэгээ ярьсан тархитай редактортай газар байна уу? Монголд? Тийм юм үзүүлдэг болбол залуу үе тоохгүй? Өнгө үзэсгэлэн л хэрэгтэй? Хожим чанга унана даа..?”

Г.Золжаргал /Баримтат киноны продюсер/ Ёс суртахуунаа тоохоо болиод бүхнийг шинэлэг гоёмсогт хулдаж зах зээлийн тоон хэрчим рүү зөнгөөрөө хамаг үнэт зүйлээ гээгээд шуурганд уруудах мал шиг нийгмээрээ харанхуй руу унавал тун хэцүү еэ

Д.ЭНХБАТ