Өнөөдөр буюу 2023 оны дөрөвдүгээр сарын 26-ны Лхагва гарагт өрнөх зарим үйл явдлын хураангуйг хүргэж байна.

ТӨРИЙН ОРДОН

08:30 цагт: Улс төрийн намын тухай хуулийн шинэчилсэн найруулга болон УИХ-ын сонгуулийн тухай хуульд нэмэлт, өөрчлөлт оруулах тухай хуулийн төслүүдийн хэлэлцүүлэг болно.

МОНГЕНИ ЦОГЦОЛБОР СУРГУУЛЬ

12:30 цагт: Төр нийгмийн зүтгэлтэн, Ардчиллын анхдагч, Монгол шатрын холбооны Ерөнхийлөгч С.Зориг агсны нэрэмжит шатрын тэмцээний нээлт болно. Нээлтэд Монгол Улсын тав дахь Ерөнхийлөгч Х.Баттулга, УИХ-ын гишүүн асан, Монголын шатрын холбооны Ерөнхийлөгч асан Я.Санжмятав, Монголын шатрын холбооны Ерөнхийлөгч Э.Гурванбаатар нар оролцоно. Утас: 99972117

МОНГОЛЫН ҮНДЭСНИЙ ХУДАЛДАА АЖ ҮЙЛДВЭРИЙН ТАНХИМ

14:00 цагт: Бизнесийн Ёс Зүй, Комплаенсын Үндэсний Хоёрдугаар форум зохион байгуулагдана. Утас: 99995803, 95632021

Д.СҮХБААТАРЫН ТАЛБАЙ

14:00 цагт: Нийслэлээс нийгмийн салбарт баримталж буй бодлого чиглэлийг танилцуулах, тус салбарын агентлаг, харьяа газруудын мэдээллийг иргэд, аж ахуйн нэгж, байгууллагуудад нэг дороос хүргэх зорилготой “Хүний хөгжил-Нийгмийн хөгжил” нэгдсэн өдөрлөгийн нээлт болно. Утас: 99034842