Зардлаа хэмнэж байгаа учраас энэ жил Ялалтын баяраар цэргийн парад зохион байгуулахгүй гэж Казахстаны Батлан хамгаалах яамнаас мэдээллээ. Энэ тухай ТАСС мэдээнд дурджээ.

“2023 онд Казахстанд цэргийн парад зохион байгуулах нь төсвийн хэмнэлт, түүнчлэн бусад асуудлыг шийдвэрлэх шаардлагатай байгаа тул төлөвлөөгүй. Тодруулбал, Казахстаны Зэвсэгт хүчний анги нэгтгэлүүдийн байлдааны бэлэн байдал, хөдөлгөөнийг шаардлагатай түвшинд байлгах нь нэн тэргүүний зорилт юм.

Улаан талбай тавдугаар сарын 9-нд Ялалтын баярт бэлтгэж эхэлсэн тухай өмнө нь РИА Новости мэдээлж байсан. Тус агентлагийн сурвалжлагчийн мэдээлснээр, одоогоор барилгачид Лениний бунхныг хараахан нааж амжаагүй байгаа хоёр талд үзэгчдэд зориулсан индэр угсарч, талбайн дагуу гоёл чимэглэлийн байгууламжууд гарч иржээ. Аугаа эх орны дайны ялалтын дараагийн ойд зориулсан Улаан талбайд болох парадыг бэлтгэж, зохион байгуулахаар төлөвлөж байна гэж ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков өмнө нь мэдэгдэв.

Эх сурвалж: “Зууны мэдээ” сонин