Оюуны спортыг дэмжигч Монгол Улсын Баатар-Монголын Ардчилсан Холбоо, Шатрын холбоо хамтран зохион байгуулж буй Ардчиллын анхдагч, Монгол шатрын холбооны ерөнхийлөгч С. Зориг агсны нэрэмжит шатрын нээлттэй тэмцээн өнөөдөр нээлтээ хийлээ. Тэмцээнийг нээж УИХ-ын гишүүн асан, Я. Санжмятав, Монголын шатрын холбооны ерөнхийлөгч Э. Гурванбаатар нар үг хэлж, тамирчдад амжилт хүслээ.

Өнөөдөр эхлэж 28-ны өдөр хүртэл үргэлжлэх 50.000.000 төгрөгийн шагналын сантай тус тэмцээн нийт 6 ангилалаар явагдах бөгөөд өндөр зэрэглэлтэй тамирчид, шатар сонирхогчдыг бүхлээр нь хамарснаараа онцлог төдийгүй ОХУ-ын Буриад улс, БНХАУ-ын ӨМӨЗО-ны тамирчид, Монгол Улсын 21 аймаг, Улаанбаатар хотын 9 дүүргээс нийт 800 гаруй шатарчид оюун ухаан, ур чадвараа сорин өрсөлдөх юм.