Өөрийн нэр дээр бүртгэлтэй ашигладаггүй тээврийн хэрэгслээ хасуулах боломжтойг Авто тээврийн үндэсний төвөөс мэдээллээ. Тодруулбал, өөрийн тань нэр дээр бүртгэлтэй, өөрөө ашигладаггүй, хасалт хийлгэх шаардлагатай тээврийн хэрэгсэл байгаа бол 2023 оны долдугаар сарын 1-нээс өмнө торгууль, татвар төлөхгүйгээр хасалт хийлгэх боломжтой. Уг үйлчилгээг Автотээврийн үндэсний төвийн Цирк салбарт ажлын өдөр хандан авах бөгөөд тухайн эзэмшигч бичиг баримттайгаа очиж хасуулах аж.