Шинэ тутам мэдээ мэдээллийн цахим сайт нэгүүн.мн Гандантэгчэнлин хийдэд Энэтхэг улсад суралцахаар 4-р сарын 11-нд очсон нэгэн хүүгийн ээж хүүхдээ хүчирхийлүүлж лам хүүхдүүд нэгэндээ бэлгийн дарамт үйлддэг, ёс бус авир гаргадаг талаар нүүрээ харуулалгүй ярьсны араас залгуулан сэтгүүлч мөн тухайн хүүхдээс тодруулга авч ярилцсан бичлэг цахим орчинд нэлээд тархжээ. Харин үүний дараа мэдээлэл өгсөн эмэгтэйн “Гомо болохгүй бол Энэтхэг явуулахгүй гэсэн…” гэх утгатай бичлэгийг мөн нийтлэв. Асуудал цахим хүрээнд өргөн хүрээг хамран хүчирхийллийн тоо олширсоор байгаа өнөөгийн нөхцөлд шашны төв Ганданд ч бэлгийн хүчирхийлэл үйлдэгдсэн гэх баримт гарч ирсэн нь нийгмийн оюун санааг гүн цочроосон.

Хууль хяналтын байгууллага, ХЭҮК, шүүх шинжилгээний алба нэгдсэн дүгнэлт мэдээлэл өгөх хүртэл нийтийн хандлагыг хэт туйлширч нэг талыг барьсан мэдээллээр сэвэхгүй байх тал дээр анхаарахыг зарим хүмүүс бичсэн байна. Аливаа улс орон өөрийн хууль тогтоомжийн дагуу үйл ажиллагаа явуулж байгаа ямар ч байгууллагад шударга бус хандах боломжгүй.

Хэрэг гарсан гэх газар, салбарыг хариуцсан лам уг асуудлын талаар хэвлэлд ярихдаа “Цагдаагаас зөвшөөрсөн хэмжээнд мэдээллэхээ онцлоод ийм асуудал болсон даруй холбогдох хүмүүсээс тайлбар авч, зохих арга хэмжээг авсан.

Цагдаад шалгагдаж байгаа хүүхдүүд цөм 14 наснаас бага” Гэжээ. Харин энэ талаар бусад хэвлэл мэдээллийн хэрэгслүүдийн нийтэлсэн мэдээнд 6 сарын 19 Livetv.mn мэдээллийн сайт, “Хүчирхийлэлд өртсөн 13 настай хүүгийн ээж: Гандантэгчэнлин хийдийн ах лам нар нь бэлгийн хүчирхийлэл үйлддэг байсан. Хүүгийн маань дотуур өмд цус болчихсон байсныг хараад үнэн гэж мэдсэн. Шүүх шинжилгээний дүгнэлтээр хүчирхийлэлд өртсөн нь батлагдлаа” Өдрийн сонин. Гэсэн постер нийтэлжээ.

Харин өдрийн сонины албан ёсны фэйж хуудас болон вэб сайтаас ийм агуулгатай мэдээлэл олдсонгүй. Арслан.мн “уг асуудлаар Эрүүгийн хуулийн 12,1 дэх хэсэгт заасан үндэслэлээр хэрэг үүсгэн шалгаж байна” гэсэн бол Өдрийн сонины албан ёсны фэйж хуудас, вэб сайтаас уг асуудлаар ямар нэг мэдээлэл, нийтлэл, бичвэр олдсонгүй.

Монголчууд шарын шашинд зуу зуун жил шүтэж, үзэл номлолд хүндэтгэн биширч ирсэн. Гэвч нийгмийн сэтгэлгээ эрс өөрчлөгдөхийн хэрээр буддын шашин дахь суралцахуйн арга барил улам хоцрогдох түүнээс үүдэн лам болохоор шийдсэн залуус, хөвгүүдийн дунд гэмт хэрэг өдөөгдөх тохиолдол гарсаар байгаа юм. Иймд Гандан ч гэлтгүй Монгол дахь шашны асуудлуудыг нэг мөр ялган авч үзээд тохирох дүрэм журам, хууль хяналтын зохицуулалтыг сайжруулах шаардлага тулгарчээ.