Засгийн газрын өнөөдрийн /2023.06.21/ хуралдаанаар гаргасан шийдвэрийг танилцуулах үеэр ХНХ-ын сайд Х.Булгантуяа хүүхдийн мөнгө, тэтгэвэр, тэтгэмжтэй холбоотой мэдээллийг танилцууллаа. Тэрбээр, Хүүхдийн мөнгийг хүүхэд бүрт олгох, эхний нэг сараас эхлэн хасагдсан хүүхдүүдэд нөхөн олгох төсөв шийдвэрлэгдсэн. Долоодугаар сараас бүх хүүхдэд хүүхдийн мөнгө олгоно. Ингэхдээ дахин хүсэлт гаргах шаардлага байхгүй. Өмнө нь авч байсан дансаар нь шууд орно гэж мэдээллээ.