2023 оны Монгол орны өвөл эрс хүйтэрч, цагийн байдал хүнд хэцүү байна. Хаана л осол аваар тэнд онцгой байдлын албаныхан зүтгэж, хүнд бэрхийг ажралгүй туулан хүн зоны халуун амь аварч, амьдрал ахуйг нь бүрэн бүтэн үлдээхийн төлөө нойр хоолгүй тэмцсээр. Дархан-Уул аймгийн Онцгой байдлын газрын алба хаагчид л гэхэд аймгийн хэмжээнд өнөөдрийн байдлаар тохиолдсон объектын гал түймрийн 117, аврах ажиллагааны 28 нийт 145 удаагийн дуудлагаар үүрэг гүйцэтгэж, нийт 149 иргэний амь нас, иргэд, аж ахуй нэгжийн 5.8 тэрбум төгрөгийн эд хөрөнгийг авран хамгаалсан байна.

Мөн өвөлжилт хүндэрч зудын эрсдэлд орсон аймгуудад онцгой анхаарал хандуулан бүх талаар хамтран ажиллаж байна. Аюулт үзэгдэл ослын нөхцөл байдлын мэдээг Монгол орон даяар хамруулан тогтмол гаргаж, урьдчилан сэргийлэлт, төлөв байдлыг байнга анхааруулсаар. 21 аймаг 330 сум дахь салбар нэгжүүд гэнэтийн аюул ослын эсрэг цаг алдалгүй арга хэмжээ авч ажилладаг.

Онцгой байдлын албаны ерөнхий төсөв нь нийтдээ 60 тэрбум төгрөг ба Монгол Улсын хэмжээнд 2022 онд нийт 4129 удаагийн гамшиг, аюулт үзэгдэл, осол бүртгэгдэж, Онцгой байдлын байгууллагын алба хаагчид 3653 хүний амь нас, төр, байгууллага, аж ахуйн нэгж, иргэдийн 260,9 тэрбум төгрөгийн өмч хөрөнгийг авран хамгаалсан байна.

Д.ЭНХБАТ