Бүтээмжгүй эдийн засагт байнгын учирдаг дарамт бол үнийн өсөлт буюу өргөн хэрэглээний барааны ханш тогтмол өсөж иргэдийн худалдан авах чадварт муугаар нөлөөлсөөр байх үйл явц үргэлжилсээр хямралын байдалд автах. Өөрөөр хэлбэл Монгол төгрөгийн ханшийг чангаруулж гадаад валютын нөөц дорвитой төвлөрөх бололцоо бүрдэхгүй байна. Учир нь бид гадаад зах зээлд гаргачих үйлдвэрлэл, боловсруулалтын үнэ буюу нэмүү өртөг шингэсэн бүтээгдэхүүнгүй арилжаалах чадамжгүй байгаа улс гэгддэг.Алт, нүүрс, зэсээ ганцхан улсын зах зээлд түүхийгээр нь цутгахаас өөр чадаж байгаа юм одоохондоо ховор.Чадалтай баяжмалын ганц үйлдвэр дээр авлигачдын хар сүүдэр тусчхаад мөд арилах шинжгүй.

Энэ бүхнийг тоочих шалтгаан бол ердөө л ажилласан цалиндаа хангалттай хэмжээний худалдан авалт хийдэг харьцангуй хамаарал багатай эдийн засаг буюу импортын үнээр зах зээлээ даруулдаг байдлыг өгүүлэх учир. Үнийн өсөлтийг тогтвортой барихын тулд бидэнд гадаад валютын нөөц шаардагддаг.

Уул уурхайн бүтээгдэхүүний түүхийн эдийн үнэ ханшаас шалтгаалсан дархлаа муутай эдийн засгаа нэн түрүүнд хууль бус, авлигалын хар сүүдрээс салгаж эрүүлжүүлэх цаашлаад боловсруулах үйлдвэр, дэд бүтцийн салбараа хөгжүүлэх, хөрөнгө оруулалтыг үндэснийхээ онцлогт тулгуурлан тодорхой бодлогоор төвлөрүүлэх, экспортоо нэмэгдүүлэх ба ийм арга хэмжээнүүдийг нэн түрүүнд авч ажиллаж чадах юм бол үнийн өсөлтийн дарамт, өдрөөс өдөрт хумигдаж байгаа аж ахуй нэгжүүдийн боломж бололцоо сайжрах болно.

Д.ЭНХБАТ