Өнгөрсөн бямба гарагт Х Богд олны өмнө ил гарсан. Тодруулбал, тэрбээр даян дэлхийн амар амгалангийн төлөөх Дүйнхорын ван буюу Цогт Цагийн Хүрдэний Их авшгийн айлдварт морилсон юм. Эл үйл явдлаас хойш нэг хоногийн дараа түүнийг нас барсан гэх цуурхлыг цахим сүлжээнд түгээсэн. Энэхүү мэдээлэл худал бөгөөд итгэхгүй, түгээхгүй байхыг сануулж, Гандантэгчэнлин хийдээс мэдэгдэл гаргалаа.

Тус мэдэгдэлд, "Mn Studio Department Store" гэх цахим хаягнаас "ШУУРХАЙ: X Богд 2 ихэр нас эцэслэжээ" гэсэн худал мэдээллийг нийгмийн сүлжээнд тараасанд гүнээ харамсаж байгаа бөгөөд хууль ёсны дагуу зохих байгууллагад гомдол гаргахаа үүгээр мэдэгдэж байна.Тус худал мэдээлэлд автан сэтгэгдэл бичин түгээх, хуваалцахгүй байхыг нийт иргэдээс хүсч байна" гэжээ.

Д.УЛСАА

ЭХ СУРВАЛЖ: EGUUR.MN