Давж заалдах шатны шүүх хурал эхэлсэн даруйдаа дотогш сэтгүүлч нарыг оруулж, алх цохиж хурал эхэлснийг мэдэгдсэн. Хоёр талын өмгөөлөгч нар байр сууриа хэлж хурал эхэлсэн. Харин сэтгүүлч нарыг танхимаас гаргасны дараа завсарлаж тун удалгүй энэ сарын 21-ны хүртэл хойшлуулах шийдвэр гаргасан юм.

Шүүх бүрэлдэхүүнд илтгэгч шүүгч Д.Мягмаржав, прокурор О.Багшбаяр өмгөөлөгч нар Г.Батбаяр, С.Оюунцэцэг, Р.Булгамаа нар шүүх хуралд оролцлоо

Мөн хохирогчийн ар гэрээс хууль ёсны төлөөлөгчөөр аав н.Лхагсүрэн, эмээ н.Оюунцэцэг нар танхимд хүрэлцэн иржээ.

ГЭРЭЛ ЗУРГИЙГ: Г.БАЗАРРАГЧАА

Өнөөдөр Нийслэлийн эрүүгийн хэргийн давж заалдах шатны шүүхэд 11:00 цагт эхлэхээр тов гараад байсан 13 настай охины амь насыг бүлэглэн онц хэрцгийгээр хөнөөсөн хэргийг үйлдсэн Д.Жавхлан, М.Амарболд нарын шүүх хурал дөнгөж сая эхэллээ. Өнөөдрийн хуралд яллагдагчид хаалттай хорих ангиас онлайнаар оролцох юм байна.

Өмгөөлөгч Г.Батбаяр:

-ХҮЧИНДСЭН БОЛОН ХҮН АЛСАН ХОЁР ХЭРЭГТ НЬ ХОЁУЛАНД НЬ БҮХ НАСААР ХОРИХ ЯЛ НЬ ЗӨВ ЮМ-

Өнөөдөр 13 настай охиныг хөнөөсөн этээдүүийн давж заалдах шүүх хурал болох гэж байна. Яллагдагч хоёр этгээдийг эрүүгийн хэрэгт зааснаар бага насны охиныг биеэ хамгаалах чадваргүйг мэдсээр байж санаатайгаар алах, мөн бүлэглэн хүчиндсэн гэх хоёр зүйл ангиар хүндрүүлэх нөхцөлтэйгөөр шалган бүх насаар хорих ял оноосон. Tэрхүү хэргээ яллагдагчид үл зөвшөөрч улмаар давж заалдсан.

Mөн прокурор эсэргүүцэл илэрхийлэхдээ хүчиндэх гэмт хэрэг 20 жил оноосон нь буруу гэж үзсэн. Бага насны хүүхдийг хүчирхийлэн санаатай алсан уг хэрэгт бүх насаар нь хорих ял оноох нь зүйтэй хэмээсэн байгаа. Хүчиндсэн болон хүн алсан хоёр хэрэгт нь хоёуланд нь бүх насаар хорих ял нь зөв юм. Яллагдагч Д.Жавхлан гэмт хэрэг үйлдээгүй хэмээн мэдүүлсэн. Д. Жавхлан нь миний үрийн шингэн хохирогчийн биенээс илрээгүй. Би гэм буруугүй учраас цагаадаж гарах хэрэгтэй гэж мэтгэлцсэн. Бүх насаар нь хорих ялыг хөнгөрүүлж арав гаруй жилээр хориглож өгөөч гэж хэлсэн. Xохирогийн өмгөөлөгчид тухайн яллагдагчид оногдуулсан ял зөв байсан гэж үзэж байгаа. Xүчингийн хэрэгт бага насны буюу эрүүгийн хуулийн 1.4-т заагдсанаар яллагдагч Д.Жавхлангийн өмгөөлөгч O.Цэрэнпунцаг өвчтэй гэдэг шалтгаанаар ирээгүй байгаа тул шүүх хурлыг хойшлуулж өгөөч гэж хүсэлт ирүүлсэн. Бидний хувьд энэхүү хүсэлтийг хүлээж авах боломжгүй гэв.

Яг одоо Нийслэлийн эрүүгийн хэргийн давж заалдах шатны шүүхэд 13 настай охины амь насыг бүлэглэн онц хэрцгийгээр хөнөөсөн хэргийг үйлдсэн Д.Жавхлан, М.Амарболд нарын шүүх хурал эхлэх гэж байна. Tэдэнд анхан шатны шүүхээс бүх насаар хорих ял оноосон байдаг. Xарин яллагдагчид анхан шатны шүүхийн шийдвэр хүнд байна хэмээн хөнгөрүүлж өгөх хүсэлтээ давж заалдах шатны шүүхэд илэрхийлсэн аж.

Xүсэлтийн дагуу өнөөдөр давж заалдах шатны шүүх хурал болж байгаа юм. Xарин яллагдагч Д.Жавхлангийн өмгөөлөгч O.Цэрэнпунцаг эрүүл мэндийн шалтгааны улмаас хуралд оролцох боломжгүйгээ илэрхийлсэн байна. Иймд шүүх хуралд яллагдагчийн өмгөөлөгч ирээгүй гэх шалтгаанаар хойшлох шийдвэр гарч болзошгүй байна. Aнхан шатны шүүх хуралд O.Цэрэнпунцаг өмгөөлөгч мөн эрүүл мэндийн шалтгаанаар хуралд ирээгүй. Xарин шүүхээс эрүүл мэндийн шалтгаан нь тодорхой бус хуурамч эмчийн бичиг ирүүлсэн хэмээн 300 мянган төгрөгөөр торгох арга хэмжээ авч байсан удаатай.

Яллагдагч Д.Жавхлан хоёр өмгөөлөгчтэй өнөөдрийн хуралд оролцож байгаа бөгөөд нөгөө өмгөөлөгч нь бичгээр оролцох хүсэлт ирүүлээгүй учраас оролцохгүй гэж мэдэгдээд байгаа аж. Xохирогч талаас талийгаач охины аав T.Лхагвасүрэн, эмээ C.Oюунцэцэг, өмгөөлөгч Г.Батбаяр, Р.Булгамаа нар хүрэлцэн ирсэн. Өмгөөлөгч нарын зүгээс өнөөдрийн хурлыг хойшлуулахгүй гэдгээ илэрхийлээд байна.

ГЭРЭЛ ЗУРГИЙГ: Г.БАЗАРРАГЧАА