Эрүүл мэндийн яамнаас коронавирусын асуудлаар ээлжит мэдээллээ хийлээ.

ХӨСҮТ-ийн Захирал Д.Нямхүү: “2020 оны гуравдугаар сарын 15-нд Сөүл-Улаанбаатарын онгоцоор ирсэн 244 хүний шинжилгээ хийгдэж дууслаа. Өнөөдөр 153 хүний шинжилгээний хариунаас коронавирусын халдвар илрээгүй. Энэ бол сайн мэдээ. Мөн 2020 оны гуравдугаар сарын 21-нд ХӨСҮТ-д болон бусад аймагт сэжигтэй тохиолдол илрээгүй байна. Харин тус өдөр 90 хүн ажиглалтад орсон мэдээ байна. Ирж буй онгоцны зорчигчдыг хянахаас гадна эмнэлгүүдэд байгаа өвчтөнүүдийг давхар хянаж байгаа. Өвчтөнүүдийн биеийн байдал сайжирч байна. Бидний эмчилгээний тактик зөв байна. Өнөөдрийн байдлаар коронавирусын халдварын тохиолдол нэмж бүртгэгдээгүй” гэлээ.