Засгийн газрын ээлжит бус хуралдаанаас гарсан шийдвэрийг танилцуулж байна.

УОК-ын дарга, Шадар сайд Ө.Энхтүвшин: "Коронавирусийн халдварын тархалтын байдал улам ноцтой болж байна. Засгийн газраас УОК-ийн оруулсан саналыг дэмжлээ.

• Өндөржүүлсэн бэлэн байдлын зэрэгт шилжүүлсэн хугацааг 4-р сарын 30-ныг хүртэл
• Бүх шатны боловсролын байгууллагын хөл хориог 4-р сарын 30-ныг хүртэл сунгалаа.

Түүнчлэн, Хятадаас ажиллах хүч авах шийдвэрийг Засгийн газрын зүгээс хойшлуулах шийдвэр гаргалаа. Хилийн боомтоор зорчих хөдөлгөөн их байна. Иймд нэг хэсэгтээ гадаадын жуулчид авахгүй байхаар шийдвэр гаргасан ба уг ажлыг хойшлуулж байна.

Түүнчлэн дөрөвдүгээр сарын 5-н хүртэл буюу 14 хоног орон даяар халдваргүйжүүлэлт хийхээр боллоо" гэв.