Мэргэжлийн байгууллагын тооцооллоор нэг хүнд ногдох ДНБ 16000 төгрөг ба өргөн хэрэглээний үнийн өсөлтөөс үүдэн энэ мөнгөөр талх сүүгээ бүтнээр авч хүрэхгүйджээ. Монголын хүн ам дах хөдөлмөрийн насныхны тодорхой бүлэг залуу эмэгтэйчүүдээс 2022 онд л гэхэд 66 мянган эх амаржиж гэртээ хүүхдээ өсгөн хүмүүжүүлж байгаа гэсэн тоо бий. Тэдэнд хөдөлмөрлөх бололцоо хомс учраас гэртээ 2-3 жил байх хугацаанд төрөөс анхаарал хандуулж буй хэлбэр нь “цалинтай ээж” гэх гоёмсог нэртэй нидэр дээрээ сард 50 мянган төгрөгийн хандив. Энэ мөнгөөр сарын хэрэглээгээ аргацаах нь байтугай нэг уут памперс авч хүрэхгүй.

Гэтэл гаднын орнуудад хүн амын бодлогоороо амаржсан эхчүүдэд хангалттай мөнгөн тэтгэмж олгож бүхий талын дэмжлэг үзүүлэх ба гэрээсээ ажиллах нөхцөлийг бүрдүүлдэг. Харин Монголд нялх хүүхэдтэй ээжүүдийн НДШ тасарч, эрүүл мэндийн үзлэгт хамрагдах бололцоо ч тун тааруу байна.

Уг нь хуулиараа амаржсан эхчүүдийн ажлын байрыг хадгалах зохицуулалттай ч хууль хэрэгжих бодит орчин бүрдэхгүй, зарим хувийн байгууллага энэ хариуцлагаас эвтэйхэн мултрах аргаа ч олдог. Амаржсан эхчүүдийн тодорхой хувь нь хань нөхрийн халамж, ээж аавын энхрийлэлд байх ч боломжгүй байгаа нь ч гашуун үнэн. Хүүхдэд олгодог 100 мянга, цалинтай ээжийн 50 мянга нийтдээ 150 мянган төгрөгөөр сарынхаа бүх хүнс хэрэглээний өртөг зардлыг хүргэхэд тун хэцүү.

Д.ЭНХБАТ