Монгол Улсын уг нь Үндсэн хуульт төртэй эрх зүйн боловсронгуй тогтолцоотой. Гэтэл хариуцлагын тухай ойлголт тун бүрхэг. Тогтсон хэм хэмжээг дагаж мөрдүүлэх гэж хууль, дүрэм журам үйлчилдэг. Өөрөөр хэлбэл нийгмийн бүх анги давхрааны асуудлууд хуулийн дагуу шийдвэрлэгдэх ёстой. Гэтэл “дарга буруугүй” гэдэг бичигдээгүй ёс тогтчихов. Сэтгүүлч Мөнхбаясгалан “Эрх мэдэл, албан тушаал, авилгалын хохирогч нь ард түмэн болдог. Хамгийн аюултай хот бол Улаанбаатар.

Цэцэрлэгт хүрээлэнгийн ухаад орхисон нүхэнд тогтсон цүнхээлд хүүхдүүд живж үхсэнийг бид одоо мартсан. Хөлбөмбөг тоглож явсан хүү талбайн хаалганд даруулж амь эрсэдсэн. Тэд зүгээр л тоглохыг хүссэн хүүхдүүд байлаа. Сургуульдаа явж байсан охины дээрээс кран унасны улмаас т няц даруулж амь үрэгдсэн. Охин зүгээр л сурч мэдэхээр дэрвэж явсан.

Ээждээ эм авчрахаар гүйж явсан хүү цахилгааны утас унаж тог гүйсэн шалбаагт гишгээд нас барсан…. Яагаад ийм муухай энэрэлгүй юм бэ гэж үү. Энэ бол авлигал, эрх мэдлийн хүнд суртал. Тэд ард түмнийхээ аюулгүй байдлыг бүрмөсөн мартсан.

Ядуусын там дээр баячуудын диваажин бүтдэг гэдэг энэ буюу!!!” гэж өөрийн цахим хуудсанд бичиж. Үнэхээр л авлигалын хар сүүдэр арван толгойтой атгаалжин хар мангас гэж үлгэрт гардагчлан бодитоор амилаад шуналтнуудын бий болгосон аймшигт харанхуй ангал дотор шавар намагт тэлчилж байгаа юм шиг… Хулгайгаа булзайруулахаар бусдыг гүтгэж, хүчирхийлж, хэлмэгдүүлж, тамлан, алж хяддаг тогтолцоог явцуугаар дарангуйлал гэж нэрлэдэг.

Дарангуйлал ердөө л юу ч чаддаггүй хулгайлж амиа зогоодог өлөн сэтгэлгээтнээс гардаг.

“ЧАДВАРГҮЙ ХҮМҮҮС ХУВИЙН ЭРХ АШГИЙН ТӨЛӨӨ ДАЙСАНТАЙГАА Ч ХАМТАРДАГ БОЛ ЧАДАХ ЗҮЙЛЭЭ ОЙЛГОДОГ НЬ НИЙТИЙН ЭРХ АШИГ НЬ ИРЭЭДҮЙН БАТАЛГАА ГЭДГИЙГ МЭДЭЖ ХИЧЭЭЛ ЗҮТГЭЛЭЭ ЗОРИУЛДАГ. ЭНЭ БОЛ БОЛОВСРОЛ,СЭТГЭЛЭЭ ТҮВШИН, ТӨЛӨВШИЛ”

Д.ЭНХБАТ