Улаанбаатар дахь АНУ-ын ЭСЯ-ны Консулын хэлтэс 2007, 2013 онуудад Монгол гаралтай хоёр хүүхэд өргөж авсан Смитийн гэр бүлийг хүлээн авч уулзсан бөгөөд өдгөө 12, 18 настай хүүхдүүд 2013 оноос хойш анх удаагаа төрсөн эх оронтойгоо танилцаж, нүүдэлчин ахуй, соёлын өвийг нь мэдрэхээр иржээ.

Аялалынхаа үеэр Смитийн гэр бүл хүүхдүүдийг өсгөн хүмүүжүүлж байсан асрамжийн газрууд болон түүх, соёлын дурсгалт газрууд болох Монголын эртний нийслэл Хархорин; Монголын хамгийн эртний буддын шашны хийд болох Эрдэнэ зуу хийд; Говь гурван сайханы байгалийн цогцолбор Хонгорын элсэн манханаар тус тус зочлов. Тэд уламжлалтМонгол гэр, малчин айлд зочилж, гүүгээ хэрхэн саан, айраг ууцгаажээ. Хүүхдүүдэд сур харвах, морь унах, тэмээ унах, олон улсын морин хуурын наадамд оролцох зэрэг сонирхолтой байсны дээр монгол найзуудтайгаа уулзаж, тоглосондоо баяртай байсан бөгөөд тэдэнтэй цаашид холбоотой байна . Хамгийн сайхан нь шинэ найзуудтайгаа хөл бөмбөг тоглох явдал байсан" гэж 12 настай хүү хуваалцжээ.

Смитийн гэр бүл АНУ-ын олон улсын хүүхэд үрчлэх хөтөлбөрөөр дамжуулан хүүхдүүдээ өргөж авсан бөгөөд энэ хөтөлбөр нь Монгол зэрэг янз бүрийн орны хүүхдүүдийг үрчлэн авах боломжийг олгодог. Ийм хөтөлбөрүүд нь хүүхдүүдийг хайраар дүүрэн гэр оронтой болгох зорилготой юм. Энэ хөтөлбөр Монголд сүүлийн найман жил зогссон ч энэ жилээс дахин хэрэгжихээр болсон.

ЭХ СУРВАЛЖ: mn.usembassy.gov