Угаарын хийн хордлогын дуудлага багасч байгааг холбогдох албанаас онцлож байгаа. Тэгвэл өчигдөр Сонгинохайрхан дүүргийн аравдугаар хороонд хоёр хүүхэд, гурван хүн сайжруулсан шахмал түлш түлж байгаад угаарын хийн хордлогод оржээ.

Ахуйн хүрээний шахмал түлшинд угаартсан хүмүүсийн ихэнх нь гал түлэх явцад угаар алдсаны улмаас гэртээ хөнгөн хордлогод орж байгаа аж. Мөн галлагаагаа буруу хийснээс болж угаартаж байна гэдгийг албаны хүмүүс хэлж байна.

Хүйтний улирал эхэлж байгаа энэ үед айл, өрхүүдэд ашиглагдаж байгаа пийшин, зуухны гэмтэл, хэт галлагаа зэрэгт анхаарал болгоомжтой хандах хэрэгтэйг мэргэжлийн байгууллагаас анхааруулж байна.