Энэ сарын 03-ны өдөр буюу өчигдөр Баянгол дүүргийн 11-р хороонд байшин шатаж байна гэх дуудлага ОБГ-т иржээ.

Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн М-ын 6х10 метрийн хэмжээтэй байшингийн дотор эд зүйлс, дээврийн хэсгийн хамт шатаж байсныг ажиллаж унтраасан. Тус гал түймэрт иргэн М/45 настай, эрэгтэй/, М/41 настай, эмэгтэй/, Ц /33 настай, эрэгтэй/ нар өртөж нас барсан байсныг цогцсыг гарган Баянгол дүүргийн Цагдаагийн 1 дүгээр хэлтсийн мөрдөгчид шилжүүлэн өгсөн.