Монгол Улс цөлжилтийн эсрэг, уур амьсгалын өөрчлөлтийг бууруулах үүднээс жил бүрийн тав болон аравдугаар сард бүх нийтээрээ мод тарьдаг уламжлалтай.

Энэ жилийн бүх нийтээр мод тарих өдөр тавдугаар сарын 12, 13-ны өдөр тохиож байна.

Энэ жил нийслэлийн хэмжээнд 185.000 ширхэг мод, гоёлын бут сөөгийг нийтийн эзэмшлийн гудамж, талбайд тарина.

Улаанбаатар хотын Ерөнхий менежер М.Баяраа өнөөдөр ногоон байгууламжийн арчилгааны 21, мод үржүүлгийн 15 аж ахуйн нэгжийн төлөөлөлтэй өглөөний уулзалт хийж байна.

Төр, хувийн хэвшлийн түншлэлийн хүрээнд энэ жилээс анх удаа эдгээр аж ахуйн нэгжтэй гурван жилийн хугацаатай гэрээг байгуулсан.

Энэ нь аж ахуйн нэгжийн хүчин чадал нэмэгдэх, ажиллах хүчин тогтвортой байх, санхүүгийн чадавх сайжрах ач холбогдолтой гэж үзэж байгаа юм.