Монголчуудын уламжлалт баяр цэнгэл наадмын үеэр далимдуулан сүрэг авлигачид цээжээ дэлдэн олны өмнө заларч, асарт морилж асар тансаг зураг хөргөө татуулцгаан аархаж байна. Тэдний зарим нь орд газрыг хэнэг ч үгүй хулгайлдаг зарим нь улсын сангаас тоомжиргүйхэн тонодог бүр нэг хэсэг нь түрийвч нэгтэйгээ батлах нь уу гэмээр нутгийнхаа ойгоор мөр зэрэгцэн шаагилдлаа. Өнөөх нүүрсний хулгай, ЖДҮ, 60 тэрбум, оффшор, Хөгжлийн банкны, элдэв сангуудыг тоносон гэх асуудал 7-р сард тун намжмал байдалд орж оронд нь Хулан найрагчийн дуулиан үл тасарна…

Шударга хуультай, шүүх засаглал нь цэвэр, хуулиа дагаж мөрддөг улс оронд бол авлигалын хэргийн ул мөрийг гүйцэт шалгаж тогтоогоод холбогдолтой эсэх дээр бүх этгээдүүдийг тогтоогоод цагаатгал, шийтгэл хоёрыг бодит төрхөөр нь ногдуулах сан ч.

Харин Монголд гадаад руу баялгаа хямд түүхийгээр нь зарж цөөхөн улс төрчид хагартал баяждаг шигээ мөн л авлигачин бүлэглэлийнхэн ард түмний нүдэнд хүйтэн царайгаа дасал болгочих гээд энд тэндхийн наадам, асар дотроос булталзах нь сонгууль ойртож, “чөтгөр сэрсэн” тэмдэг гэлтэй Хууль хяналтын байгууллага ялзарч, хувь улс төрчдийн явцуу сонирхол улсын эрх ашгаас ямагт дээгүүр тавигдах тогоо нь уруугаа харсан энэ нийгмийг эрс шинэчлэхгүй л бол өдрөөс өдөрт өнгөө алдаж гундах тусгаар тогтнол, эрх чөлөө газрын гаваар орж мэдэх…