Засгийн газрын ээлжит хуралдаанаар гарсан зарим шийдвэрийг танилцуулав. Энэ үеэр хотын дарга Х.Нямбаатар “Улаанбаатар хотод замбараагүй, төлөвлөлтгүй барилга байгууламж барих явдлыг хязгаарлах зохицуулалтыг оруулж ирж байгаа. 2000 оноос хойш гэр хорооллыг барилгажуулах чиглэлээр тодорхой ажлууд хийгдсэн. Тодруулбал, Сүхбаатар, Баянзүрх дүүргийн нутаг дэвсгэрийг дагаж байрладаг Сэлбэ гол, Натур худалдааны төвийн орчмын орон сууцны барилгажилтын ажил төлөвлөлтгүй бетон ширэнгэн хорооллыг үүсгэсэн. Яармагын дэнж орчмын орон сууцны хороолол ерөнхий төлөвлөгөө, хотын стандартгүйгээр мөн бетон ширэнгийг үүсгэлээ. Бид Сүхбаатарын талбайгаас 800 км-ийн зайд байгаа Дөлгөөн нуур орчмыг бетон ширэнгэ болгоод алдаж байна. Цаашлаад Дэнжийн мянга руу бас үргэлжлэх төлөвтэй байна. Тиймээс бид цаг алдалгүй Улаанбаатар хотын барилгажилт ерөнхий төлөвлөгөө, түүнд нийцсэн орон сууцны стандарт нормыг тогтоож, архектектур төлөвлөлтийн даалгавар болон барилга эхлүүлэх зөвшөөрөл олгогдож байгаа 1500 гаруй нэгж талбар бүхий барилгажилтын ажлыг хязгаарлах, царцаах. Цаашлаад нэгэнт төрөөс олгогдсон зөвшөөрөл бүхий газруудыг өөр хотын ерөнхий төлөвлөлт бүхий газруудад стандартын дагуу шилжүүлэх байдлаар хоёр дахь хүндрэлтэй асуудлаа тогтоон барих зохицуулалтын энэ анхдагч хуулийн төсөл болон дагаж байгаа хуулийн төслөөр оруулж ирж байна” гэлээ.