Отгонтэнгэр уулын тусгай хамгаалалттай газар 200 кг хужир тавив
Отгонтэнгэрийн улсын тусгай хамгаалалттай газар биотехникийн арга хэмжээ хэрэгжүүллээ. Идэр сумын Ямаат хэсэгт Хамгаалалтын захиргааны дарга, мэргэжилтэн, байгаль хамгаалагчид хяналт шалгалт, биотехникийн арга хэмжээ хэрэгжүүлж ажиллалаа.
Отгонтэнгэрийн УТХГ-т одоогийн байдлаар цасны зузаан тал газартаа 30 см, ойн модонд 60 см орчим болж ойн туруутан амьтдын өвөлжилт хүндрэх төлөвтэй байна.
- Ойн туруутан амьтaдад зориулж биотехникийн арга хэмжээг Ямаатын Алаг хад, Үстийн дэнж зэрэг газруудад 200 кг хужир тавив. Уг хоёр цэгт ажиллах явцад 5 байршилд 44 бүл согоо, 8 байршилд 10 буга, 2 бор гөрөөс бүртгэгдлээ.
- 2023 оны зун ойн туруутан амьтдыг судлах зорилгоор 2 байршилд хөдөлгөөн мэдрэгчтэй камер байршуулсан байсныг авч үр дүнг гарган ажиллалаа. Камерт халиун буга, бор гөрөөс, чоно, согоо зэрэг ан амьтны дүрс бичигдсэн байна.
- Энэ хугацаанд Ямаат хэсгийн, Сонгинот, Сайхан дэнж, Үстийн нуур, Балчгар, Цуурай, Тангадын хавчиг, Хөшөөтийн ам, Чавганц, Ямаатын Алаг хад зэрэг газруудаар хяналт шалгалтын ажлыг хийж, 4 иргэнд ТХГН-ын талаар болон ойн амьтдыг бэлчээр нутгаар шахахгүй, амьтдын амьдрах орчныг тэтгэх талаар заавар зөвлөгөө өглөө.
Эх сурвалж: БОАЖЯ
Сэтгэгдэл
Зочин [202.21.108.90] 2024-01-22 11:01:26
тав гурван малаа онд оруулахыг бодоосой доо