Нийслэлд одоогоор 59 агуулахад сайжруулсан шахмал түлшний 120 мянган тонн нөөц байна. Үүнээс гадна нийслэл рүү 39 тонн түүхий нүүрс нэвтрүүлэхийг завдсан бол 57 шуудай шахмал түлшийг хотоос гаргахыг оролджээ. “Таван толгой түлш” ХХК-ийн Санхүүгийн албаны дарга Г.Ундармаа Нийслэлийн Удирдах ажилтны шуурхай зөвлөгөөний үеэр "Сайжруулсан түлшний үйлдвэрийн 19 шугамаас 12 нь ажиллаж байгаа. Технологийн дагуу хатаагчтай, стандартын шаардлага хангасан түлш үйлдвэрлэж, мэргэжлийн хяналтын газраас долоо хоног бүр дээж авч, хянаж буйг дуулгав.

НМХГ-ын дарга С.Даваасүрэн, “Таван толгой түлш” ХХК-д улсын байцаагч 24 цагаар жижүүрлэж байна. Бүтээгдэхүүнээс 7-14 хоногийн давтамжтай дээж авахад чанарын шаардлага хангаж байгаа. Зүүн үйлдвэрт үйлдвэрлэсэн 2500 тн түлш шаардлага хангаагүйг борлуулалтад гаргаагүй хэмээсэн юм.