Монгол түмний жилдээ ганц үндсээрээ бахархах дархлаа наадамд ч авлигал аархал эрх мэдлийн хар сүүдэр туссан байна. Дундговь аймгийн уяач Э.Улаанхүүгийн хар үрээ, Баянхонгорын уяач С.Энхтөрийн дүүгүүр хээр морины асуудлуудыг нэгтгэн авч үзвэл эрийн гурван наадмыг хүртэл эзэрхийлэх хүсэлтэй нэгэн том мөнгөжүү харгис давхарга Монголд бий болжээ.

Тэд зүгээр ч үгүй бөхийн дүрэм журамд хүртэл өөрчлөлт оруулах урт гартайн дээр үүгээр далимдуулан Монгол түмнийг талцуулах атгаг санаа бий бололтой Салбар бүрд нөлөөлдөг чадалтай тэдний гайгаар богино бодолтойчууд ч оодрох замаа засчих гээд булталзах.

Үеийн үед үндэсний үнэт зүйл эв нэгдэл чухал төдийгүй энэ бол бидний дотоод аюулгүй байдалтай ч холбоотой билээ. Авлигалаар бүхнийг шийдэж болно гэсэн бодит хар хүчний эсрэг Монгол төрийн хар хайрцагны бодлого яаж хэрэгжиж байгаа бол?