Нийслэл хотын авто замын түгжрэл 8-ны өдрийн 17 цаг орчмоос зам дээр тэг зогсож, таг гацсан байдалтай шөнийн 00 цаг хүртэл иргэд хөлдүү зам дээр автобус, машинд хонох шахаж зарим нь хоёр зээрдээрээ хол, ойрын гэр гэртээ харив. Автозамыг түгжрэлийг бууруулах төр эрхшээгчдийн сайхан амлалт яагаад биелдэггүй вэ.

Асуудлыг шийд гэж төсвөөс өч төчнөөн их наядаар хэмжигдэх татвар төлөгчдийн мөнгө урсгадаг ч бодит байдал ирээдүйд бус өнгөрсөн цаг хугацаа, хөгжлийн бурангуй байдал руу улам хурдтай уруудаж буйг харуулж байна. Бидэнтэй ярилцсан СХД-ийн дугаар хорооны иргэн, эмэгтэй Б "Хүүхдүүд орой ирэнгүүтээ аавыгаа хүлээгээд суучихдаг.

Учир нь аав ажлаасаа идэх юмтай ирдэг. Битүүхэн горьдож хүлээдэг гэх үү. Гэрт хоол хийлээ ч олуулаа болохоор өл залгах хэмжээнд л хүрэлцдэг. Заримдаа хоолгүй хонох тохиолдол ч гардаг. Яг манайх шиг асуудал тулгарсан олон айл өрх бий. Түгжрээд зам дээр нам зогсчихсон аавыгаа хүүхдүүд байн байн асуусан оройг өнгөрүүллээ..." Гэв.

Энэ мэтчилэн хайртай хэн нэгнийгээ хүлээх гэр бүлийнхэн, тэдэндээ очихоор тэмүүлэх Монголчууд хэдэн үеэрээ ядуурал, доройтлын гачланд нэрвэгдэж нийгмээрээ хүйтэн гудамжинд дагжин ёстой вэ? Төрийн нэрээр ажил хийж байгаа бол түвшин ноён нуруугаа алдалгүй популист амлалтаар түмнийг чирэгдүүлэхгүй байх ёс зүй зарим сайд дарга нарт байхгүй бололтой. Хот хариуцсан сайд нь ард түмэнд автобусанд яаж суухыг зааж өгнө гэж балайрав.

Ямар нэг асуудал нууцаар шийдвэрлэх гэж түмний сэтгэл зүйг өөр тийш нь сарниулаад албаар улс төрийн нууц хуйвалдаанаа халхлах ба ЗГ-ын тэргүүнийг унагаах гэх хэтийн том зорилготой зориудын түгжрэл үүсгэх, шидсэн асуудлыг нь тойрч хэрэлдэн нийгмээрээ шуугих бэлэн сэдэв хаяв уу? гэх хардлага явагджээ.

Д.ЭНХБАТ