Иргэн Ж.Отгонбаяр нийслэл хот хариуцсан сайдын "иргэдийг автобусанд сууж сургахын тулд сурталчилгааны ажил явуулна" гэх мэдэгдэлд "Иргэд гэдэгт УИХ-ын гишүүд, сайд нар, төрийн албаны дарга нар буюу бидэнд хамаарахгүй гэж яриад байгаа юм уу даа. Түгжрэлийн сайд та өөрөө нийтийн автобусаар явж үлгэр жишээ үзүүлбэл мань мэт иргэд нь сайдыгаа дуурайгаад л автобусандаа аятайхан сууж сурна шүү дээ." Гэж сэтгэгдэл үлдээжээ.

Чадвараа сорихоор уу, их мөнгөний сургаар уу, намынхаа даалгавраар уу ямартай ч шинэ салбарт ирээд удаагүй Б.Дэлгэрсайхан болчимгүй үгэндээ бүдэрчихлээ. Салбарт нь 800 тэрбум төгрөг үр дүнгүй зарцуулагдсан талаар дүгнэлт хийж, асуудлыг цэгцлэх ажил хийхгүй бурууг иргэд рүү чихэр ийм хандлага тун хоцрогдмол.

Автозамын түгжрэлд дорвитой алхам тэр дотроос хот төлөвлөлт, газар олголтыг завхралыг хотын даргатай хамтраад урагшлуулах уу? Алдаа завхрал дээр нь нэрмээсэлсээр уналтад орсон салбарын амийг таслах уу гэдэг цаг үед ажиллаж байгаагаа сайд ойлгосон уу. 11 сарын 8-ны оройн түгжрэлд түргэний машинууд нэг цэг зам дээр саатаж наад зах нь яаралтай тусламж авч чадалгүй хэчнээн хүн амь нас эрүүл мэндээр хохирчхоод байгааг мэдээлэх үү? Асуултууд их байна, ажил овоолоостой байна сайд нараа.

Д.ЭНХБАТ