Замын түгжрэлийг бууруулж цаг хэмнэх зориулалттай гэх нийслэлийн нийтийн тээврийн шинэ зохицуулалт иргэдийн бухимдлыг барж байна. Автобус нэг газраа хэт бөөгнөрөх. Богино эргэлтээр үүдэн төв замын эгнээ байрын ачаалал нэг урсгалдаа тодорхой цагуудад огцом нэмэгдэх байдал ажиглагдсаар байна. Аливаа шийдвэрийг иргэдийн санал, оролцоогүйгээр дур мэдэх, эрсдэлт хүчин зүйлийг тооцоолж чадахгүй байх ямар үр дагавартай нь ийнхүү улам бүр ил тод болж нийслэлийн агаарын бохирдол замын түгжрэл халтиргаа гулгаа нь нийслэлээс хальж нийгмийн асуудал болжээ. Удалгүй сургуулийн амралт дуусаж хүүхдүүд хичээлдээ орно.Нийтийн тээврээр сургуульдаа очдог хүүхдүүд маш олон.

Гэтэл автобусны чиглэлийн шинэ хуваарийг ойлгож, дасаагүй хүүхдүүд төөрөх, хулгай дээрэм, хүчирхийлэлд өртөх, даар өвдөх зэрэг олон аюул араасаа дагуулж болзошгүй байна.

УБ хотын захирагч, менежерийн албан тушаал эрхэлж буй дарга нар ард түмний энэ их бэрхшээл зүдгүүрийг биеэрээ хэзээ амсахгүй учраас ухаалан гоё харагдах гэсэн мулгуу мунгинуу шийдвэрүүдийг албаар тулгасаар. Иргэд урьд автобус ирэхгүй бол гар өргөөд таксинд сууж гэртээ харьж болдог байсан бол ийм боломжийг захиргааны аргаар хорьж цагдсан учраас цөөхөн такс компаниудын хүрэлцээ тун муу байна.Ийнхүү гэнэтийн бодлого төлөвлөлтгүй байдал араасаа олон чирэгдэл учруулах бололтой.

Д.ЭНХБАТ